حياتي غير...

دون صورة أصوات من منطقة الشرق الاوسط وشمال افريقيا
عضو منذ ٢٨ مارس، ٢٠١٧
  • 7 مشاركة
  • العمر 25

أنا قصي النحوي، عمري 17 عاما بحب الراب، تركت المدرسة من 3 سنوات، أنا الآن طالب في مركز الدعم الإجتماعي وباحث مع يونيسف في مشروع البحث التشاركي،البحث ساعدني لأكون إنسان ثاني، أعطاني قوة كبير لأتخطى صعوبات حياتي، تعلمت القيادة والجرأة والدقة في نقل المعلومات، تعرفت على أصدقاء جدد خلال تطبيق أدوات البحث مع الشباب وعرفت كثير عن مشاكلهم وأفكارهم، وبتمنى أستمر في البحث التشاركي حتى نغير مجتمعنا ونحسن تعليمنا، وبتمنى اكمل تعليمي وأبني مستقبلي.

قصي اختار أن يشاركنا قصته بطريقته الخاصة.

"هيك بدون سابق انذار الزمن دار تغير المسار فاتني القطار

شفت الكل بطلع وبأسس حاله وانا بمكاني واقف وهمه مني نالو

أخطأت بخيارتي... حياتي بتخبط... دخلت دوامة شفت نفسي بسقط

ضليت اتهور وحالي يتدهور... وفشلت بالدراسة ومستقبلي قاعد يدمر

ماعرفت شو الاسباب... الدمع عم ينساب... واقف بمهب رايح وحدي وبدون أصحاب

خسرت كل ناسي وزملائي ...وخسرت الي كانوا يحبوني وكنت فيهم محاط

زادت معاناتي ومافادت مناداتي... ماحدا مهتم... فشو هتفيد مناشداتي

انا بحاجة المساعدة ...والكل مطنش... وعلى الأرض مرمي والكل قاعد يتفرج

الي رايح يخطب... والي صار عندو سيارة ...وانا بتفرج من بعيد وبقول ياخسارة...

والي بدرس طب وهندسة وصار بغير دولة... نفس الناس اللي كنا نلعب معهم شدة عنفس الطاولة

بخجل أتطلع بعيون الناس ايلي وثقوا فيي وعلقوا آمالهم بشخص مابيحمل مسؤولية

شعوري عم يتحجر ...احساسي عم يتاكل ميه فكره وفكره جوا راسي عم تتآكل

الأوجاع عم تتحول لأمراض نفسية... كل مالها عم تتطور لانفصام بشخصية

ويوم بعد يوم حالي يزداد سوء... كل اشي صار مأساوي مافي طريق للهروب"





comments powered by Disqus